Qərbi Kaspi Universitetinin Elmi Xəbərləri müvafiq elm sahələri üzrə müstəqil və original məqalələri elmi ictimaiyyətin diqqətinə çatdırmaq məqsədi daşıyan, hər seriyası iki dəfə olmaqla, ildə dörd dəfə nəşr edilən elmi və resenziyalı jurnaldır. Elmi Xəbərlər iki seriya halında fəaliyyət göstərir:

1. Humanitar və Sosial-siyasi elmlər seriyası:

• dilçilik, ədəbiyyatşünaslıq, tarix, şərqşünaslıq, jurnalistika, kitabxanaşünaslıq, metodika və b.
• fəlsəfə, iqtisadiyyat, psixologiya, sosiologiya, politologiya

2. Təbiət və Texniki elmlər seriyası:

• kimya, biologiya, geologiya, coğrafiya və b.
• riyaziyyat, mexanika, fizika, informatika, astrofizika və b.

Elmi Xəbərlərin hər iki seriyası əlaqəli olan mövzularda analitik elmi yanaşma əsasında hazırlanmış müstəqil, original, əvvəllər başqa jurnallarda nəşr edilməmiş əsərlərə yer verir. Redaksiyaya daxil olan bütün məqalələr antiplagiat proqramından keçiriləcək. Originallıq faizi 75%-dən az olan məqalələr qəbul edilməyəcək. 

Jurnalda nəşr edilən bütün məqalələrin məzmun, elm və hüquqi baxımdan məsuliyyəti müəlliflərə, ilk nəşr hüququ Elmi Xəbərlərə aiddir. Nəşr edilən məqalələrin Elmi Xəbərlərin icazəsi olmadan qismən və ya tam şəkildə hər hansı bir başqa yerdə nəşri qadağandır.

Jurnala göndərilən məqalələrin nəşri qərarı Redaksiya heyətinə aiddir. Redaksiya heyəti göndərilən məqalələri qəbul, düzəltmə və ya rədd etmə hüququna malikdir.